ખેરગામ પોમાપાળ પ્રાથમિક શાળામાં વિદ્યાર્થીઓને શૈક્ષણિક કીટનું વિતરણ ખેરગામ, તા. 18 જૂન 2026: ખેરગામ તાલુકાની પોમાપાળ પ્રાથમિક શાળામાં વિદ્યાર્થીઓના શૈક્ષણિક વિકાસને પ્રોત્સાહન આપવાના ઉદ્દેશ્યથી શૈક્ષણિક કીટ વિતરણ કાર્યક્રમનું આયોજન કરવામાં આવ્યું હતું. ખેરગામના પોમાપાળ ફળિયાના સામાજિક અગ્રણી તથા LIC ડેવલપમેન્ટ ઓફિસર શ્રી જયેશભાઈ પટેલના પરિવારના સૌજન્યથી વિદ્યાર્થીઓને શૈક્ષણિક કીટનું વિતરણ કરવામાં આવ્યું. નોંધનીય છે કે તેમના પરિવાર દ્વારા છેલ્લા આઠ વર્ષથી સતત અને નિઃસ્વાર્થ ભાવથી આ સેવાકીય કાર્ય કરવામાં આવી રહ્યું છે, જે શિક્ષણ પ્રત્યેની તેમની પ્રતિબદ્ધતા અને સમાજસેવાની ભાવનાનું ઉત્તમ ઉદાહરણ છે. આ પ્રસંગે તાલુકા પંચાયતના પૂર્વ સદસ્યશ્રી વિભાબેન પટેલ, શ્રી કલ્પેશભાઈ પટેલ, શ્રી પંકજભાઈ પટેલ તેમજ શાળાના શિક્ષકગણ અને સ્ટાફ ઉપસ્થિત રહ્યા હતા. મહાનુભાવોએ વિદ્યાર્થીઓને મન લગાવી અભ્યાસ કરવા અને જીવનમાં આગળ વધવા પ્રેરણા આપી હતી. કાર્યક્રમના અંતે શાળા પરિવાર વતી શાળાના આચાર્યશ્રી વાસંતીબેન પટેલે શ્રી જયેશભાઈ પટેલ અને તેમના પરિવારનો આ ઉમદા સહયોગ બદલ હૃદયપૂર્વક આભાર વ્યક્ત કર્યો હતો.
ધરમપુર તાલુકાની મોટી ઢોલડુંગરી પ્રાથમિક શાળા ખાતે સ્વતંત્રતા દિવસ ઉજવાયો.
તારીખ : ૧૫-૦૮-૨ ૦૨૩નાં દિને સવારે 8:30 કલાકે ધરમપુર તાલુકાની મોટી ઢોલડુંગરી પ્રાથમિક શાળા ખાતે ગામના વડીલ શ્રી કેસૂર દાદાના હસ્તે ધ્વજ વંદન કરવાંમાં આવ્યું
જ્યાં ધરમપુર તાલુકા પંચાયતના સદસ્ય શ્રી કલ્પેશભાઈ પટેલ, ગામના ડેપ્યુટી સરપંચશ્રી, ગ્રામ પંચાયતના તમામ સભ્યશ્રીઓ, SMC અધ્યક્ષશ્રી અને SMCના તમામ સભ્યશ્રીઓ, પ્રાથમિક શાળાના પ્રિન્સીપલશ્રી અને તમામ શિક્ષક મિત્રો, અને ગામના માજી સરપંચશ્રી,તલાટી કમ મંત્રીશ્રી, ગામના આગેવાનો યુવાનો,વડીલો, માતાઓ બહેનો મોટી સંખ્યામાં ઉપસ્થિત રહ્યા હતા.
Comments
Post a Comment