ખેરગામ પોમાપાળ પ્રાથમિક શાળામાં વિદ્યાર્થીઓને શૈક્ષણિક કીટનું વિતરણ ખેરગામ, તા. 18 જૂન 2026: ખેરગામ તાલુકાની પોમાપાળ પ્રાથમિક શાળામાં વિદ્યાર્થીઓના શૈક્ષણિક વિકાસને પ્રોત્સાહન આપવાના ઉદ્દેશ્યથી શૈક્ષણિક કીટ વિતરણ કાર્યક્રમનું આયોજન કરવામાં આવ્યું હતું. ખેરગામના પોમાપાળ ફળિયાના સામાજિક અગ્રણી તથા LIC ડેવલપમેન્ટ ઓફિસર શ્રી જયેશભાઈ પટેલના પરિવારના સૌજન્યથી વિદ્યાર્થીઓને શૈક્ષણિક કીટનું વિતરણ કરવામાં આવ્યું. નોંધનીય છે કે તેમના પરિવાર દ્વારા છેલ્લા આઠ વર્ષથી સતત અને નિઃસ્વાર્થ ભાવથી આ સેવાકીય કાર્ય કરવામાં આવી રહ્યું છે, જે શિક્ષણ પ્રત્યેની તેમની પ્રતિબદ્ધતા અને સમાજસેવાની ભાવનાનું ઉત્તમ ઉદાહરણ છે. આ પ્રસંગે તાલુકા પંચાયતના પૂર્વ સદસ્યશ્રી વિભાબેન પટેલ, શ્રી કલ્પેશભાઈ પટેલ, શ્રી પંકજભાઈ પટેલ તેમજ શાળાના શિક્ષકગણ અને સ્ટાફ ઉપસ્થિત રહ્યા હતા. મહાનુભાવોએ વિદ્યાર્થીઓને મન લગાવી અભ્યાસ કરવા અને જીવનમાં આગળ વધવા પ્રેરણા આપી હતી. કાર્યક્રમના અંતે શાળા પરિવાર વતી શાળાના આચાર્યશ્રી વાસંતીબેન પટેલે શ્રી જયેશભાઈ પટેલ અને તેમના પરિવારનો આ ઉમદા સહયોગ બદલ હૃદયપૂર્વક આભાર વ્યક્ત કર્યો હતો.
ચીખલી તાલુકાના ઘેજ (ડુંભરીયા) ગામે આદિવાસી સમાજના આગેવાનો દ્વારા બિરસા સર્કલ પર જનનાયક બિરસા મુંડાનું બોર્ડ લગાવી ઉજવણી કરવામાં આવી.
તારીખ ૦૩-૦૯-૨૦૨૩નાં રવિવારના દિને ચીખલી તાલુકાના ઘેજ (ડુંભરીયા) ગામે આદિવાસી સમાજના આગેવાનો દ્વારા બિરસા સર્કલ પર જનનાયક બિરસા મુંડાનું બોર્ડ લગાવી ઉજવણી કરવામાં આવી.
દેશની આઝાદીની ચળવળમાં આદિવાસી ક્રાંતિકારી ધરતી આબા બિરસા મુંડાનું યોગદાન નાનુસુનું નથી! આ ક્રાંતિકારીનું જીવનવૃતાંત અભ્યાસક્રમમાં દાખલ કરવામાં આવેલ છે. ત્યારે આજની યુવા પેઢીમાં તેમના વિશે વિશેષ જાણકારી પ્રાપ્ત થાય અને દેશના વિકાસમાં અને રાષ્ટ્રીય એકતામાં પોતાનું યોગદાન આપી એક આદર્શ નાગરિક બને તેવી ભાવના છુપાયેલી છે.
આ બોર્ડ (બેનર) બોર્ડ નાં રહેતા તે એક બિરસા મુંડાનાં સંદેશાવાહકનું કાર્ય કરતું જોવા મળશે. આ બોર્ડ પર નાના કુમળી વયના બાળકની નજર પડતાં જ કુતૂહલ પેદા થશે. આ મહાપુરુષ કોણ છે ? અને એ તેના માતાપિતા પાસેથી તેમના વિશે જાણવાનો જરૂર પ્રયત્ન કરશે. અને જો માતા પિતા પાસેથી સંતોષકારક જવાબ ન મળે તો તે તેમના મિત્ર, શિક્ષક, અથવા તો google માંથી બાળક બિરસા મુંડાનો ઈતિહાસ જરૂર જાણવાનો પ્રયત્ન કરશે.
"આજે વાવેલું બીજ ભવિષ્યમાં વટવૃક્ષ બનશે."
આ કાર્યક્રમમાં રાકેશભાઇ પટેલ, સાયલેશભાઈ, નિકુંજભાઈ, સંજયભાઈની ટીમ (નવા નગર) કિશનભાઈ, કેજુભાઈ,(પટેલ ફળિયા) અક્ષયભાઈ, ધીરુભાઈ, બ્રિજેશભાઈની ટીમ (બખાર.ફ), જયેશભાઈ, સંજય ભાઈ (ઉન્નાવ.ફ), ઝાડી ફળિયા જીતુભાઈ, ઝાડી ફળિયા રાકેશભાઈ, શેખરભાઈ પીન્તાભાઈ, ઘવુભાઈ, પ્રવીણભાઈ, (ખુશાલ ફળિયા તેમજ ડુંભરીયા ફળિયાના) વડીલો, કિરણભાઈ, ચીમનકાકા, જયદીપ, શશીકાંત, ઉમેશ ભાઈ શૈલેષભાઈ, સંજયભાઈ, વિજયભાઈ, દિવ્યેશ, અંકિત, નિરજભાઈ, રાહુલ, મણીલાલ ( ડેરી સંચાલક), સાઇલેશભાઈ, ધર્મેશભાઈ, જેનીશ, દિલીપભાઈ, કેયુર, હર્ષભાઈ, સાહિલ, આશિષ, અંકિત, સતીષભાઈ, ચેતનભાઈ, રમેશકાકા, હરિલાલ, અરવિંદભાઇ ફળિયાના યુવાનો વડીલો નાના બાળકો વગેરે હાજર રહી કાર્યક્રમને સફળ બનાવ્યો હતો.
વિશેષ મહેમાનોમાં આદિવાસી યુવા નેતા ધરમપુર તાલુકા સદસ્ય કલ્પેશ પટેલ, કાનાભાઈ (મોટી ઢોલડુંગરી), ખેરગામ બાવળી ફળિયાના વતની અને Honey news તથા vatsalyam ન્યૂઝના પત્રકાર દિપકભાઈ પટેલ હાજર રહ્યા હતાં.
ઘેજ ગામ વતી આયોજકો વીનેશભાઈ અને અનંતભાઈએ સહકાર આપવા બદલ સૌનો આભાર વ્યક્ત કર્યો હતો.
Comments
Post a Comment