ખેરગામ પોમાપાળ પ્રાથમિક શાળામાં વિદ્યાર્થીઓને શૈક્ષણિક કીટનું વિતરણ ખેરગામ, તા. 18 જૂન 2026: ખેરગામ તાલુકાની પોમાપાળ પ્રાથમિક શાળામાં વિદ્યાર્થીઓના શૈક્ષણિક વિકાસને પ્રોત્સાહન આપવાના ઉદ્દેશ્યથી શૈક્ષણિક કીટ વિતરણ કાર્યક્રમનું આયોજન કરવામાં આવ્યું હતું. ખેરગામના પોમાપાળ ફળિયાના સામાજિક અગ્રણી તથા LIC ડેવલપમેન્ટ ઓફિસર શ્રી જયેશભાઈ પટેલના પરિવારના સૌજન્યથી વિદ્યાર્થીઓને શૈક્ષણિક કીટનું વિતરણ કરવામાં આવ્યું. નોંધનીય છે કે તેમના પરિવાર દ્વારા છેલ્લા આઠ વર્ષથી સતત અને નિઃસ્વાર્થ ભાવથી આ સેવાકીય કાર્ય કરવામાં આવી રહ્યું છે, જે શિક્ષણ પ્રત્યેની તેમની પ્રતિબદ્ધતા અને સમાજસેવાની ભાવનાનું ઉત્તમ ઉદાહરણ છે. આ પ્રસંગે તાલુકા પંચાયતના પૂર્વ સદસ્યશ્રી વિભાબેન પટેલ, શ્રી કલ્પેશભાઈ પટેલ, શ્રી પંકજભાઈ પટેલ તેમજ શાળાના શિક્ષકગણ અને સ્ટાફ ઉપસ્થિત રહ્યા હતા. મહાનુભાવોએ વિદ્યાર્થીઓને મન લગાવી અભ્યાસ કરવા અને જીવનમાં આગળ વધવા પ્રેરણા આપી હતી. કાર્યક્રમના અંતે શાળા પરિવાર વતી શાળાના આચાર્યશ્રી વાસંતીબેન પટેલે શ્રી જયેશભાઈ પટેલ અને તેમના પરિવારનો આ ઉમદા સહયોગ બદલ હૃદયપૂર્વક આભાર વ્યક્ત કર્યો હતો.
અખિલ ભારતીય શાળાકીય રમતોત્સવમા જિલ્લા કક્ષાએ બહેજ પ્રા. શાળાના બાળકોએ હાંસલ કરેલ સિધ્ધિઓ.
જિલ્લા કક્ષાએ યોજાયેલ અખિલ ભારતીય શાળાકીય રમતોત્સવમાં બહેજ પ્રાથમિક શાળાના તમામ રમતવીરોએ ઉત્કૃષ્ટ દેખાવ કર્યો હતો. જેમાં લાંબી કૂદમાં પ્રેઝી આહિર પ્રથમ જ્યારે 200 મી દોડમાં તૃતીય ક્રમાંકે, ઊંચીકૂદમાં શિવમ તૃતીય ક્રમાંકે, ઉર્વી દ્વિતિય ક્રમાંકે, અને નીતિ આહિર તૃતીય ક્રમાંકે, 600 મીટર દોડમાં મેહુલ અનિલ તૃતીય ક્રમાંકે, 400 મીટર દોડમાં સલોની સુનિલ તૃતીય ક્રમાંકે, ચક્રફેકમાં નીરજા રાજેશભાઈ દ્વિતીય ક્રમાંકે, તથા નિધિ નિલેશ માહલા તૃતીય ક્રમાંકે જ્યારે ત્રિપલ જંપમાં ગંગેશ્વરી મહેશભાઈ માહલા તૃતીય ક્રમાંકે આવી શાળાનું નામ રોશન કર્યું છે. આ ખેલાડીઓ તૈયાર કરવા તેમજ તેમને પ્રોત્સાહિત કરી આગળ વધવા માટે શાળાનાં શિક્ષકોનો સિંહફાળો રહ્યો છે. રમતગમત ક્ષેત્રે આ શાળાના બાળકો શાળાનું નામ રોશન કરે જ છે.
લાંબીકૂદમાં પ્રેઝી ધનસુખભાઈ આહિર પ્રથમ ક્રમાંક મેળવી હવે પછી રાજ્ય કક્ષાએ ભાગ લેશે.
શાળા પરિવાર તમામ બાળકોને ઉજ્જવળ ભવિષ્ય માટે શુભકામનાઓ પાઠવે છે.
ખેરગામ તાલુકા પ્રાથમિક શિક્ષક સંઘ તમામ ખેલાડીઓને અને શાળા પરિવારને હાર્દિક શુભકામના પાઠવે છે.
Comments
Post a Comment