ખેરગામ પોમાપાળ પ્રાથમિક શાળામાં વિદ્યાર્થીઓને શૈક્ષણિક કીટનું વિતરણ ખેરગામ, તા. 18 જૂન 2026: ખેરગામ તાલુકાની પોમાપાળ પ્રાથમિક શાળામાં વિદ્યાર્થીઓના શૈક્ષણિક વિકાસને પ્રોત્સાહન આપવાના ઉદ્દેશ્યથી શૈક્ષણિક કીટ વિતરણ કાર્યક્રમનું આયોજન કરવામાં આવ્યું હતું. ખેરગામના પોમાપાળ ફળિયાના સામાજિક અગ્રણી તથા LIC ડેવલપમેન્ટ ઓફિસર શ્રી જયેશભાઈ પટેલના પરિવારના સૌજન્યથી વિદ્યાર્થીઓને શૈક્ષણિક કીટનું વિતરણ કરવામાં આવ્યું. નોંધનીય છે કે તેમના પરિવાર દ્વારા છેલ્લા આઠ વર્ષથી સતત અને નિઃસ્વાર્થ ભાવથી આ સેવાકીય કાર્ય કરવામાં આવી રહ્યું છે, જે શિક્ષણ પ્રત્યેની તેમની પ્રતિબદ્ધતા અને સમાજસેવાની ભાવનાનું ઉત્તમ ઉદાહરણ છે. આ પ્રસંગે તાલુકા પંચાયતના પૂર્વ સદસ્યશ્રી વિભાબેન પટેલ, શ્રી કલ્પેશભાઈ પટેલ, શ્રી પંકજભાઈ પટેલ તેમજ શાળાના શિક્ષકગણ અને સ્ટાફ ઉપસ્થિત રહ્યા હતા. મહાનુભાવોએ વિદ્યાર્થીઓને મન લગાવી અભ્યાસ કરવા અને જીવનમાં આગળ વધવા પ્રેરણા આપી હતી. કાર્યક્રમના અંતે શાળા પરિવાર વતી શાળાના આચાર્યશ્રી વાસંતીબેન પટેલે શ્રી જયેશભાઈ પટેલ અને તેમના પરિવારનો આ ઉમદા સહયોગ બદલ હૃદયપૂર્વક આભાર વ્યક્ત કર્યો હતો.
ડેબરપાડા પ્રાથમિક શાળામાં આનંદ મેળો યોજાયો.
તારીખ :૧૦-૦૧-૨ ૦૨૪નાં દિને ડેબરપાડા પ્રાથમિક શાળામાં આનંદ મેળાનું આયોજન કરવામાં આવ્યું હતું. જેનું એસ.એમ.સી.ના અધ્યક્ષ દ્વારા દીપ પ્રાગટ્ય કરી આનંદ મેળાને ખુલ્લો મુકવામાં આવ્યો હતો.
જેમાં પાણી પૂરી, ગુલાબજાંબુ, ભેલ, ભજીયા, છાશ, ફ્રુટ સલાર્ડ, ખમણ જેવી ૨૨ જેટલી વાનગીઓના સ્ટોલ પર બાળકો દ્વારા વેચાણ કરવામાં આવ્યું હતું. આ કાર્યક્રમ દ્વારા બાળકોમાં નાણાંની લેવડદેવડ બાબતે કુશળતા તેમજ સરવાળા બાદબાકી ગુણાકાર ભાગાકાર જેવી ગાણિતિક કૌશલ્યનો વિકાસ થાય એ હેતુસર આનંદ મેળાનું દર વર્ષે આયોજન કરવામાં આવે છે. બાળકોના વાલીઓ, બાળકો અને શિક્ષકોએ અવનવી વાનગીઓની મઝા માણી હતી. આ કાર્યક્રમને સફળ બનાવવા બદલ મુખ્ય શિક્ષક હસમુખભાઈ પટેલે તમામનો આભાર વ્યક્ત કર્યો હતો.
Comments
Post a Comment