ખેરગામ પોમાપાળ પ્રાથમિક શાળામાં વિદ્યાર્થીઓને શૈક્ષણિક કીટનું વિતરણ ખેરગામ, તા. 18 જૂન 2026: ખેરગામ તાલુકાની પોમાપાળ પ્રાથમિક શાળામાં વિદ્યાર્થીઓના શૈક્ષણિક વિકાસને પ્રોત્સાહન આપવાના ઉદ્દેશ્યથી શૈક્ષણિક કીટ વિતરણ કાર્યક્રમનું આયોજન કરવામાં આવ્યું હતું. ખેરગામના પોમાપાળ ફળિયાના સામાજિક અગ્રણી તથા LIC ડેવલપમેન્ટ ઓફિસર શ્રી જયેશભાઈ પટેલના પરિવારના સૌજન્યથી વિદ્યાર્થીઓને શૈક્ષણિક કીટનું વિતરણ કરવામાં આવ્યું. નોંધનીય છે કે તેમના પરિવાર દ્વારા છેલ્લા આઠ વર્ષથી સતત અને નિઃસ્વાર્થ ભાવથી આ સેવાકીય કાર્ય કરવામાં આવી રહ્યું છે, જે શિક્ષણ પ્રત્યેની તેમની પ્રતિબદ્ધતા અને સમાજસેવાની ભાવનાનું ઉત્તમ ઉદાહરણ છે. આ પ્રસંગે તાલુકા પંચાયતના પૂર્વ સદસ્યશ્રી વિભાબેન પટેલ, શ્રી કલ્પેશભાઈ પટેલ, શ્રી પંકજભાઈ પટેલ તેમજ શાળાના શિક્ષકગણ અને સ્ટાફ ઉપસ્થિત રહ્યા હતા. મહાનુભાવોએ વિદ્યાર્થીઓને મન લગાવી અભ્યાસ કરવા અને જીવનમાં આગળ વધવા પ્રેરણા આપી હતી. કાર્યક્રમના અંતે શાળા પરિવાર વતી શાળાના આચાર્યશ્રી વાસંતીબેન પટેલે શ્રી જયેશભાઈ પટેલ અને તેમના પરિવારનો આ ઉમદા સહયોગ બદલ હૃદયપૂર્વક આભાર વ્યક્ત કર્યો હતો.
ધરમપુર વિરપુર બસ સેવામાં સિટિંગ બસ સેવાની જગ્યાએ સ્લીપર કોચની સુવિધા.
તારીખ : ૦૪-૦૧-૨૦૨૪ના દિને ધરમપુર બસ સેવામાં ઉમેરો કરવામાં આવ્યો.જે ધરમપુર વીરપુર (જલારામ ધામ) બસ સુવિધા હતી. તે હાલ સુધી સીટીંગ બસ હતી જે હાલ મુસાફરોને સુવિધા માટે સ્લીપર કોચમાં સુધારો કરવામાં આવ્યો છે. જેનો શુભારંભ આજ રોજ ધરમપુર ડેપોમાંથી ધરમપુર ધારાસભ્ય શ્રી અરવિંદભાઈ પટેલ ,વલસાડ જિલ્લા પ્રમુખ શ્રી હેમંતભાઇ કંસારા,ધનેશભાઈ ચૌધરી, જીવાભાઇ આહીર,ગણેશભાઈ બિરારી,સંજય સરદેસાઈ,સમીપ રાંચ,અક્ષય પટેલ ,પરેશ પ્રજાપતિ તેમજ ડેપો મેનેજર તેમજ ડેપોના કર્મચારીઓ હાજરી આપી હતી.
Comments
Post a Comment