ખેરગામ પોમાપાળ પ્રાથમિક શાળામાં વિદ્યાર્થીઓને શૈક્ષણિક કીટનું વિતરણ ખેરગામ, તા. 18 જૂન 2026: ખેરગામ તાલુકાની પોમાપાળ પ્રાથમિક શાળામાં વિદ્યાર્થીઓના શૈક્ષણિક વિકાસને પ્રોત્સાહન આપવાના ઉદ્દેશ્યથી શૈક્ષણિક કીટ વિતરણ કાર્યક્રમનું આયોજન કરવામાં આવ્યું હતું. ખેરગામના પોમાપાળ ફળિયાના સામાજિક અગ્રણી તથા LIC ડેવલપમેન્ટ ઓફિસર શ્રી જયેશભાઈ પટેલના પરિવારના સૌજન્યથી વિદ્યાર્થીઓને શૈક્ષણિક કીટનું વિતરણ કરવામાં આવ્યું. નોંધનીય છે કે તેમના પરિવાર દ્વારા છેલ્લા આઠ વર્ષથી સતત અને નિઃસ્વાર્થ ભાવથી આ સેવાકીય કાર્ય કરવામાં આવી રહ્યું છે, જે શિક્ષણ પ્રત્યેની તેમની પ્રતિબદ્ધતા અને સમાજસેવાની ભાવનાનું ઉત્તમ ઉદાહરણ છે. આ પ્રસંગે તાલુકા પંચાયતના પૂર્વ સદસ્યશ્રી વિભાબેન પટેલ, શ્રી કલ્પેશભાઈ પટેલ, શ્રી પંકજભાઈ પટેલ તેમજ શાળાના શિક્ષકગણ અને સ્ટાફ ઉપસ્થિત રહ્યા હતા. મહાનુભાવોએ વિદ્યાર્થીઓને મન લગાવી અભ્યાસ કરવા અને જીવનમાં આગળ વધવા પ્રેરણા આપી હતી. કાર્યક્રમના અંતે શાળા પરિવાર વતી શાળાના આચાર્યશ્રી વાસંતીબેન પટેલે શ્રી જયેશભાઈ પટેલ અને તેમના પરિવારનો આ ઉમદા સહયોગ બદલ હૃદયપૂર્વક આભાર વ્યક્ત કર્યો હતો.
ચીખલી તાલુકાના વિદ્યામંદિર સાદકપોર પ્રાથમિક શાળાની નર્સરીની મુલાકાત સાથે વનભોજન યોજાયું.
તારીખ :૧૦-૦૧-૨ ૦૨૪નાં દિને વિદ્યામંદિર સાદકપોર પ્રાથમિક શાળા દ્વારા M.K . ફાર્મ નર્સરીમાં શાળાના વિદ્યાર્થીઓ, આમંત્રિત મહેમાનો,S.M.Cના સભ્યો, ગામજનો, સાદકપોર કેન્દ્ર શાળા પરિવાર, વગેરે માટે વનભોજનનો કાર્યક્રમ યોજવામાં આવ્યો હતો. જેમા વનભોજનની સાથે સાથે બાળકોને ફાર્મ નર્સરી મુલાકાત અને રમતગમતનો આનંદ વિદ્યાર્થીઓએ માણ્યો હતો. બહોળી સંખ્યામાં આ વનભોજનમાં સૌ મહેમાનો ઉપસ્થિત રહ્યા હતા જે બદલ આ પ્રસંગે શાળાના આચાર્ય તથા શાળા પરિવાર સર્વેનો અંતઃકરણપૂર્વક આભાર વ્યક્ત કર્યો હતો.
આ પ્રસંગે ચીખલી તાલુકા પ્રાથમિક શિક્ષણાધિકારીશ્રી વિજયભાઈ પટેલ અને ચીખલી તાલુકા પ્રાથમિક શિક્ષક સંઘના પ્રમુખ હિતેશભાઈ પટેલ ઉપસ્થિત રહ્યા હતા.
Comments
Post a Comment