ખેરગામ પોમાપાળ પ્રાથમિક શાળામાં વિદ્યાર્થીઓને શૈક્ષણિક કીટનું વિતરણ ખેરગામ, તા. 18 જૂન 2026: ખેરગામ તાલુકાની પોમાપાળ પ્રાથમિક શાળામાં વિદ્યાર્થીઓના શૈક્ષણિક વિકાસને પ્રોત્સાહન આપવાના ઉદ્દેશ્યથી શૈક્ષણિક કીટ વિતરણ કાર્યક્રમનું આયોજન કરવામાં આવ્યું હતું. ખેરગામના પોમાપાળ ફળિયાના સામાજિક અગ્રણી તથા LIC ડેવલપમેન્ટ ઓફિસર શ્રી જયેશભાઈ પટેલના પરિવારના સૌજન્યથી વિદ્યાર્થીઓને શૈક્ષણિક કીટનું વિતરણ કરવામાં આવ્યું. નોંધનીય છે કે તેમના પરિવાર દ્વારા છેલ્લા આઠ વર્ષથી સતત અને નિઃસ્વાર્થ ભાવથી આ સેવાકીય કાર્ય કરવામાં આવી રહ્યું છે, જે શિક્ષણ પ્રત્યેની તેમની પ્રતિબદ્ધતા અને સમાજસેવાની ભાવનાનું ઉત્તમ ઉદાહરણ છે. આ પ્રસંગે તાલુકા પંચાયતના પૂર્વ સદસ્યશ્રી વિભાબેન પટેલ, શ્રી કલ્પેશભાઈ પટેલ, શ્રી પંકજભાઈ પટેલ તેમજ શાળાના શિક્ષકગણ અને સ્ટાફ ઉપસ્થિત રહ્યા હતા. મહાનુભાવોએ વિદ્યાર્થીઓને મન લગાવી અભ્યાસ કરવા અને જીવનમાં આગળ વધવા પ્રેરણા આપી હતી. કાર્યક્રમના અંતે શાળા પરિવાર વતી શાળાના આચાર્યશ્રી વાસંતીબેન પટેલે શ્રી જયેશભાઈ પટેલ અને તેમના પરિવારનો આ ઉમદા સહયોગ બદલ હૃદયપૂર્વક આભાર વ્યક્ત કર્યો હતો.
Khergam : નાંધઈ પ્રાથમિક શાળાની શિક્ષિકા જિલ્લા કક્ષાના ખેલમહાકુંભ તરણ સ્પર્ધામાં ઝળકી.
તારીખ : ૦૪-૦૨-૨૦૨૪નાં દિને વલસાડ જિલ્લાના અતુલ કલબ ખાતે યોજાયેલ ખેલમહાકુંભમાં વલસાડની ડુંગરીનાં રહેવાસી અને નાંધઈ પ્રાથમિક શાળામાં ફરજ બજાવતા ધૃવિની પટેલ જિલ્લા કક્ષાની તરણ સ્પર્ધામાં ૧૦૦મીટર ફ્રી સ્ટાઇલમાં પ્રથમ, ૧૦૦મીટર બટરફ્લાયમાં દ્વિતિય અને ૪૦૦ મીટર ફ્રી સ્ટાઇલમાં પ્રથમ ક્રમાંક મેળવી પરિવાર, શાળા અને તાલુકાનું નામ રોશન કર્યું છે.
જે માટે ખેરગામ તાલુકા પ્રાથમિક શિક્ષણાધિકારીશ્રી મનીષભાઈ પરમાર, ખેરગામ બીટ નિરીક્ષક પ્રશાંતભાઈ પટેલ, તાલુકા પ્રાથમિક શિક્ષક સંઘના પ્રમુખ દિવ્યેશકુમાર ચૌહાણ, મહામંત્રી કિરીટભાઈ પટેલ સહિત હોદ્દેદારો, ખેરગામ બી.આર.સી. વિજયભાઈ પટેલ સહિત સ્ટાફમિત્રો, શાળાનાં આચાર્યશ્રી જીતુભાઈ પટેલ સહિત શાળા પરિવાર દ્વારા ધૃવિની પટેલને હાર્દિક શુભકામનાઓ પાઠવે છે.
Comments
Post a Comment