ખેરગામ પોમાપાળ પ્રાથમિક શાળામાં વિદ્યાર્થીઓને શૈક્ષણિક કીટનું વિતરણ ખેરગામ, તા. 18 જૂન 2026: ખેરગામ તાલુકાની પોમાપાળ પ્રાથમિક શાળામાં વિદ્યાર્થીઓના શૈક્ષણિક વિકાસને પ્રોત્સાહન આપવાના ઉદ્દેશ્યથી શૈક્ષણિક કીટ વિતરણ કાર્યક્રમનું આયોજન કરવામાં આવ્યું હતું. ખેરગામના પોમાપાળ ફળિયાના સામાજિક અગ્રણી તથા LIC ડેવલપમેન્ટ ઓફિસર શ્રી જયેશભાઈ પટેલના પરિવારના સૌજન્યથી વિદ્યાર્થીઓને શૈક્ષણિક કીટનું વિતરણ કરવામાં આવ્યું. નોંધનીય છે કે તેમના પરિવાર દ્વારા છેલ્લા આઠ વર્ષથી સતત અને નિઃસ્વાર્થ ભાવથી આ સેવાકીય કાર્ય કરવામાં આવી રહ્યું છે, જે શિક્ષણ પ્રત્યેની તેમની પ્રતિબદ્ધતા અને સમાજસેવાની ભાવનાનું ઉત્તમ ઉદાહરણ છે. આ પ્રસંગે તાલુકા પંચાયતના પૂર્વ સદસ્યશ્રી વિભાબેન પટેલ, શ્રી કલ્પેશભાઈ પટેલ, શ્રી પંકજભાઈ પટેલ તેમજ શાળાના શિક્ષકગણ અને સ્ટાફ ઉપસ્થિત રહ્યા હતા. મહાનુભાવોએ વિદ્યાર્થીઓને મન લગાવી અભ્યાસ કરવા અને જીવનમાં આગળ વધવા પ્રેરણા આપી હતી. કાર્યક્રમના અંતે શાળા પરિવાર વતી શાળાના આચાર્યશ્રી વાસંતીબેન પટેલે શ્રી જયેશભાઈ પટેલ અને તેમના પરિવારનો આ ઉમદા સહયોગ બદલ હૃદયપૂર્વક આભાર વ્યક્ત કર્યો હતો.
ડાંગ (આહવા) : ડાંગ જિલ્લાના ગાઢવી ગામે યોગ પ્રોટોકોલ શિબિર યોજાઇ :
(ડાંગ માહિતી બ્યૂરો): આહવા: તા: ૧૮: ગુજરાત રાજ્ય યોગ બોર્ડ દ્વારા તા.૨૧ જુન 'વિશ્વ યોગ દિવસ'ની ઉજવણી સંદર્ભે, ડાંગ જિલ્લાના ગાઢવી ગામે યોગ પ્રોટોકોલ શિબિરનુ આયોજન કરવામાં આવ્યું હતુ.
આ શિબિરમાં સ્થાનિક ૫૦૦ થી વઘુ બહેનો અને ભાઇઓ હાજર રહ્યા હતા. તમામ લોકોએ યોગ પ્રોટોકોલનો અભ્યાસ કર્યો હતો.
આ યોગ શિબિરમાં ગાઢવી ગામના સરપંચ શ્રી ગૌતમભાઇ ગાંગૃર્ડે, ડાંગ જિલ્લા યોગ કો-ઓર્ડીનેટર શ્રી કમલેશ પત્રેકર, તેમજ યોગ કોચ સર્વશ્રી છગનભાઇ, રમેશભાઇ, સરિતાબેન, સુમનબેન, નેહાબેન, પ્રિતીબેન વિગેરે ઉપસ્થિત રહ્યાં હતા.
-
ડાંગ જિલ્લાના ગાઢવી ગામે યોગ પ્રોટોકોલ શિબિર યોજાઇ : - (ડાંગ માહિતી બ્યૂરો): આહવા: તા: ૧૮: ગુજરાત રાજ્ય યોગ બોર્ડ...
Posted by Info Dang GoG on Tuesday, June 18, 2024
Comments
Post a Comment