ખેરગામ પોમાપાળ પ્રાથમિક શાળામાં વિદ્યાર્થીઓને શૈક્ષણિક કીટનું વિતરણ ખેરગામ, તા. 18 જૂન 2026: ખેરગામ તાલુકાની પોમાપાળ પ્રાથમિક શાળામાં વિદ્યાર્થીઓના શૈક્ષણિક વિકાસને પ્રોત્સાહન આપવાના ઉદ્દેશ્યથી શૈક્ષણિક કીટ વિતરણ કાર્યક્રમનું આયોજન કરવામાં આવ્યું હતું. ખેરગામના પોમાપાળ ફળિયાના સામાજિક અગ્રણી તથા LIC ડેવલપમેન્ટ ઓફિસર શ્રી જયેશભાઈ પટેલના પરિવારના સૌજન્યથી વિદ્યાર્થીઓને શૈક્ષણિક કીટનું વિતરણ કરવામાં આવ્યું. નોંધનીય છે કે તેમના પરિવાર દ્વારા છેલ્લા આઠ વર્ષથી સતત અને નિઃસ્વાર્થ ભાવથી આ સેવાકીય કાર્ય કરવામાં આવી રહ્યું છે, જે શિક્ષણ પ્રત્યેની તેમની પ્રતિબદ્ધતા અને સમાજસેવાની ભાવનાનું ઉત્તમ ઉદાહરણ છે. આ પ્રસંગે તાલુકા પંચાયતના પૂર્વ સદસ્યશ્રી વિભાબેન પટેલ, શ્રી કલ્પેશભાઈ પટેલ, શ્રી પંકજભાઈ પટેલ તેમજ શાળાના શિક્ષકગણ અને સ્ટાફ ઉપસ્થિત રહ્યા હતા. મહાનુભાવોએ વિદ્યાર્થીઓને મન લગાવી અભ્યાસ કરવા અને જીવનમાં આગળ વધવા પ્રેરણા આપી હતી. કાર્યક્રમના અંતે શાળા પરિવાર વતી શાળાના આચાર્યશ્રી વાસંતીબેન પટેલે શ્રી જયેશભાઈ પટેલ અને તેમના પરિવારનો આ ઉમદા સહયોગ બદલ હૃદયપૂર્વક આભાર વ્યક્ત કર્યો હતો.
ખેરગામ ખાતે જન્માષ્ટમી તહેવાર અંતર્ગત મટકી ફોડ કાર્યક્રમની ઉજવણી ધામધૂમથી કરવામાં આવી.
તારીખ : ૦૮-૦૯-૨૦૨૩
ખેરગામ ખાતે જન્માષ્ટમી તહેવાર અંતર્ગત મટકી ફોડ કાર્યક્રમની ઉજવણી ધામધૂમથી કરવામાં આવી. ખેરગામના ખાતે ખેરગામ બજાર, રામજી મંદિર, ઝંડા ચોક, દશેરા ટેકરી પટેલ ફળિયા, જેવા અનેક જગ્યાએ ૧૫ કરતા વધુ સંખ્યામાં મટકી ફોડના કાર્યક્રમો પોલીસ બંદોબસ્ત સાથે યોજાયા હતાં. જેમાં ખેરગામના યુવાનો દ્વારા ડીજેનાં નાચગાન સાથે પૂરાં ધામધૂમથી મટકી ફોડ કાર્યક્રમ યોજાયા હતા. આ કાર્યક્રમ જોવા માટે આજુબાજુના ગ્રામજનો મોટી સંખ્યામાં ઉપસ્થિત રહ્યા હતાં.
Comments
Post a Comment